麻辣娘子 (新都城中心) (已結業)

放假约咗朋友行街食嘢，经过见到呢间主打川菜嘅餐厅，而且近排都想食辣野，所以就入去试吓啦。下午两点几，餐厅仲坐满晒客人，都要等5至10分钟先有位，睇嚟餐厅都几受欢迎。餐牌方面，食物款式众多，除咗有午市客饭之外，仲有四川冒菜粉、凉菜、小食、甜品同饮品，价钱亲民。凉拌土豆丝土豆丝口感爽脆，咸香带微辣，非常开胃。凉拌莴笋莴笋清爽新鲜，带微香蒜味。拍蒜青瓜青瓜清甜脆口，拍得够晒入味，酸辣比例啱啱好。我哋分别叫咗两个客饭，饭嘅份量都可以喺手机点餐嘅时候选择多饭少饭或者走饭，非常贴心。川式口水鸡份量都几大碟，鸡肉鲜味嫩滑，口水汁浓郁惹味，麻辣味十足，香气逼人。红烧肉肥肉同瘦肉层层分明，肥肉口感爽口，唔会觉得好油腻，而瘦肉都煮得几腍，几入味，送饭一流。芝士奶盖炭烧乌龙茶芝士奶盖质感浓厚，芝士味道浓郁幼滑，充满咸香。乌龙茶茶味顺口，不苦不涩，甜度适中。芝士奶盖茉香绿茶茶味清香，口感温润，既有天然茶味，亦有茉莉花嘅芬香，唔错。