影片
更多
2019-07-11
650 浏览
等咗十年, 硕门邨终于有第一间茶餐厅出现, 仲要系咁出名茶记, 当然要帮衬下啦~睇佢装修都系几沙田feel, 望入去都整哂沙田d屋邨名, 冇一般茶记咁简单, 叫做有少少特式, 而坐位都以卡位为主, 应该会坐得几舒服~无论乜嘢新餐厅开, 总会新屎坑, 所以我都静候咗成个月, 先决定帮衬, 但每逢假期前夕的晚饭时间, 总会坐满, 而且我又唔钟意搭枱, 咁唯有叫外卖返归食, 佢仲要外卖自取有9折, 咁就更加唔驶谂, 一定外卖自取, 够哂抵食呀~不过睇匀佢张外卖纸, 款式选择其实唔多, 晚饭小菜都只系得十款八款选择, 不过第一次食, 总会谂到食乜嘢~电话落单后, 阿姐话15分钟左右, 但其实我10分钟左右去到, 都已经有得拎, 绝对符合香港人乜都要快~ 是日例汤老黄瓜汤, 对于我地嚟讲系好正, 因为饮到淡淡老黄瓜味之余又唔会太浓, 因为太浓会觉得落咗"师傅", 尤其是响茶记~ 瑞士汁猪软骨煲外卖当然唔会有煲比你啦~ 不过都同个图差不多, 都系有菜垫底, 如果堂食真系用煲的话, 我估佢个煲应该都几细, 因为佢份量唔算多, 要用煲仔去装, 先会觉得唔会太少啰~猪软骨好入味, 炆得好淋, 淋到d软
睇佢装修都系几沙田feel, 望入去都整哂沙田d屋邨名, 冇一般茶记咁简单, 叫做有少少特式, 而坐位都以卡位为主, 应该会坐得几舒服~
无论乜嘢新餐厅开, 总会新屎坑, 所以我都静候咗成个月, 先决定帮衬, 但每逢假期前夕的晚饭时间, 总会坐满, 而且我又唔钟意搭枱, 咁唯有叫外卖返归食, 佢仲要外卖自取有9折, 咁就更加唔驶谂, 一定外卖自取, 够哂抵食呀~
不过睇匀佢张外卖纸, 款式选择其实唔多, 晚饭小菜都只系得十款八款选择, 不过第一次食, 总会谂到食乜嘢~
电话落单后, 阿姐话15分钟左右, 但其实我10分钟左右去到, 都已经有得拎, 绝对符合香港人乜都要快~
是日例汤
是日例汤
42 浏览
0 赞好
0 留言
老黄瓜汤, 对于我地嚟讲系好正, 因为饮到淡淡老黄瓜味之余又唔会太浓, 因为太浓会觉得落咗"师傅", 尤其是响茶记~
瑞士汁猪软骨煲
瑞士汁猪软骨煲
39 浏览
0 赞好
0 留言
外卖当然唔会有煲比你啦~ 不过都同个图差不多, 都系有菜垫底, 如果堂食真系用煲的话, 我估佢个煲应该都几细, 因为佢份量唔算多, 要用煲仔去装, 先会觉得唔会太少啰~
猪软骨好入味, 炆得好淋, 淋到d软骨系化咁济, 一pet gel咁样, 唔讲仲以为系肥膏, 不过瘦肉部份就鞋咗少少, 如果连d瘦肉都淋都化就正~
垫底d娃娃菜吸哂d精华, 正到冇得顶, 不过就略嫌油咗少少~
沙姜鸡
沙姜鸡
47 浏览
0 赞好
0 留言
系例牌份量, 被分配到有1只鸡翼连尖, 几旧胸肉同后背骨肉, 如果话1人份量系算OK, 但佢个外卖盒能够配合到佢咁薄身, 就真系冇得一顶~
虽然d鸡全部都系瘦肉, 但都唔算好鞋, 但味道浓咗d, 我觉得系偏咸少少~
浓汤浸菜
浓汤浸菜
36 浏览
0 赞好
0 留言
呢个系送的, 冇得选择, 明明落单果阵佢话计送杞子娃娃菜, 但厨房改咗送蒜子菜心, 呢个反而仲合心水, 不过份量就少咗d, 味道就好入味, 如果头先唔系饮咗汤, 都会饮埋佢呢个声称系浓汤的汤~
白饭
白饭
45 浏览
0 赞好
0 留言
预咗冇饭味, 只要唔系一pet烂饭就已经接受了~
热菜蜜
热菜蜜
38 浏览
0 赞好
0 留言
两杯似系两个人冲, 打开一睇, 好明显见到一杯深色d, 一杯浅色d, 我选择咗浅色d果杯, 但都已经好浓, 其实深色d果杯绝对可以冲多一杯嚟饮~
如果佢keep住外卖自取有9折, 我谂都会keep住帮衬, 其实都系间中一至两星期食一次, 就算款式唔多, 次次都系例牌, 应该都唔会咁快厌挂?
题外话/补充资料：
记得唔好WHATSAPP外卖, 都系打电话有真人听稳阵, 因为呢餐就系谂住WHATSAPP落单, 点知净系问佢少少嘢, 夜晚6点问, 到第朝11点先覆, 好彩见佢冇覆WHATSAPP, 即刻转打电话落单啫~
(以上食记乃用户个人意见 , 并不代表OpenRice之观点。)
张贴
