稻八日式火鍋炸物放題 (已結業)

周四晚收工后就同男朋友揾饭食，试左呢间稻八日式火锅炸物放题，价钱唔贵，质素都唔错㖞一共有6个价钱，定价$168-$368，任食120分钟，9:30pm后入座仲有全单85折。餐厅装潢带日本风，空间感足，分布唔会密密麻麻，墙上仲有几靓嘅壁画。有个角落挂左好多许愿木牌，客人可以喺门口位置自取，写上愿望，都几特别嘅。所有套餐包肉类任食，蔬菜、丸类等自助吧自取，另外设有DIY炸天妇罗吧，客人可以亲手试做天妇罗，沙律吧、雪糕、糯米糍都系任食，饮品任饮，选择丰富。汤底有8款，例如鲜蕃茄汤、沙嗲汤、北海道3.7牛乳牛骨汤等，双味汤底每锅加$18。我地拣左一个除左牛、猪、羊、鸡、炸物，仲包埋刺身嘅牛小排放题($238)，每位加$20可任饮啤酒Asahi，会饮酒嘅抵鲜蕃茄汤底就冇乜特别啦，都有几片蕃茄同少少茄味，呢啲汤底都系自己拎材料再调较味道啦，加啲粟米、冬瓜片、南瓜片。极上安格斯牛小排放题 $238呢个餐包括特级美国榖饲牛、美国进口牛肉、羊肉、美国自然豚肉片、日本北海道鸡片、炸物、刺身任食，两位起会送一份海鲜盛合。$238以上嘅套餐可任选刺身，点其他餐嘅客人如果想食就要单点，逐件计钱，$3-$5/件。