富和飯店

营业中

休息中

土瓜湾一向是一个美食小店之地, 好食抵食嘅餐厅不计其数, 今日行开土瓜湾见到有一间新开啲茶记, 入去一试, 可作饭堂。例水 - 无乜味, 但唔系翻煲沟水无味, 系无落到师傅同唔够料煲个汤头, 一般良心小店都系咁做嘅啦, 唔想加咁多味精废事食坏人就将个例汤煲到好浠唔够味, 好唔好就见人见致, 但对食客嚟讲系健康嘅。酸菜鱼片饭 - 依个不得了, 系个汤头好饮, 好甜, 佢唔系偏辣嘅酸菜鱼, 系偏酸嘅, 除咗个汤头好甜之外饮完佢完全无涸喉, 明显系真材实料煲出嚟, 同酸菜都系靓货, 好食, 鱼片就滑得嚟又脆口, 但略缣多骨, 但河鱼系咁, 无计, 跟餐有冻饮同白饭, 个白饭分量好多下, 好谂最少有成两碗分量, 抵食。铁板茄子牛仔骨 - 一上枱会发觉佢个铁板做得比好多坊间嘅港式排房做得更好, 铁板够热, 系好热, 啲汁维持咗好持都系 "炸炸"声嘅, 牛仔骨做得嫩滑香口, 茄子更加系一绝, 淋身吸咗啲牛肉汁更为滋味, 好吃。大大杯餐饮 - 跟餐杯冻饮系大大杯嘅。埋单146, 但我哋系order一个小菜, 一个午餐, 食物质数有保证, 件头大, 系抵食好食嘅, 值得再嚟。