一寿司 (已結業)

午饭时间黎到一寿司，毋须等位，入到去一阵，被安排到中间梳化位就坐，空间好宽敞。打开午市餐牌，食物种款多元化，定食、鱼生饭、石锅、拉面等样样齐。好快甘点左个卷物定食，定食送埋土瓶海鲜汤、黑松露茶碗蒸及吉列南瓜饼，好丰富! 侍应亦顺带提一提南瓜饼即叫即炸，所以要等一段时间。等左15分钟到定食一并黎到，当然先食即叫即炸的南瓜饼先。南瓜饼炸得好松脆，黎到时仲热，咬落去南瓜软淋淋，加埋沙律酱更好食!意想唔到最好食系黑松露茶碗蒸，蛋滑一滑，带有好香的黑松露味添。同样附送的土瓶海鲜汤清清地亦唔错，打开盖有唔少蚬，好足料。卷物定食包括8件寿司，有火灸芝士天妇罗卷、芒果三文鱼卷、海鳗加州卷及枪鱼卷。卷物最忌太过散，但呢到整得刚刚好，不会一夹就散开。个人认为火灸芝士天妇罗卷较好味，虽芝士味称不上太浓，但夹住脆脆天妇罗，好脆口。芒果三文鱼卷亦新鲜，三文鱼滑一滑，夹住甜甜地的芒果，好开胃! 可能不太食惯枪鱼，碎碎的味道，感觉奇怪。另点左个软壳蟹手卷，虽然软壳蟹好脆，但手卷黎到时已冻晒，有D失望。不过整体食物唔错，定食附送左好多野，好味又抵食。