潮成園

营业中

休息中

食完晚飯睇完戲，同友人見有啲餓，就去左好平既潮成園，唔需要等位，坐左卡位。😎裝修簡單，環境當然唔算得最乾淨，但都可以接受，餐廳都係提供基本潮洲粉麵，有南乳豬手又有腐乳通菜，叫左一碗牛筋丸米（$20）同一碗雲吞河（$23），再架多一碟腐乳通菜（$12）。☺️牛筋丸有四粒，彈牙，亦有肉汁，濃湯尚可，米粉唔算淋，有咬口。雲吞亦有四粒，多豬肉味，河粉唔算太油。粉麵有蔥蒜，亦可以自行加辣椒油。🙈下次宵夜太餓，都可以揀平價之選！