影片
更多
2022-06-17
446 浏览
地址－面档铜锣湾勿地臣街10号地舖有日趁铜记半年一次大减价去放一放血，睇睇可怜而瘦弱的银包，都唔忍心再伤害佢，所以就去食一食平野，行行下见到呢间价钱唔高之余，装潢又充斥住80-90年代的怀旧风格，咁就去试下。💋五𩠌(韭菜饺，五香牛腩，酸甜斋，瑞士鸡翼，清汤萝卜加腩汁同辣汁粗面)，呢个价钱食到5个𩠌，真系劲抵！佢D配料都唔会将货就价，佢个韭菜饺唔好讲笑，都几大只，食落韭菜香浓，肉质弹牙，五香牛腩五香味好重，而佢D牛腩炆煮时间岩岩好，唔会痴牙，酸甜斋系车仔面舖出现好特别，所以点黎试下，佢煮到好淋，而且不失酸甜斋的味道，配埋汤底好夹，瑞士鸡翼大只得有点过份，佢煮到好入味，食到甜甜地的味道，唔错，清汤萝卜佢D萝卜食落清甜无渣，食左咁多款浓味的配料后带黎一点特别的味道，冲淡一下味蕾，而佢个腩汁味道好香浓，配埋粗面食好唔错，而佢个辣汁好贴心咁用匙另外装好，方便客人控制份量，食落香辣而且将碗面的味道提升唔少，正！💋五𩠌(卤水孖筋，蚝油花菇，南乳猪手，秘制鸡翼尖，怀旧猪大肠加腩汁同怀旧沙爹酱米线)，卤水孖筋，佢呢个孖筋食落爽口弹牙，而且劲入味，劲香卤水味，正，蚝油花菇，佢呢个花菇蚝油味道香浓，佢D花菇
铜锣湾勿地臣街10号地舖
有日趁铜记半年一次大减价去放一放血，睇睇可怜而瘦弱的银包，都唔忍心再伤害佢，所以就去食一食平野，行行下见到呢间价钱唔高之余，装潢又充斥住80-90年代的怀旧风格，咁就去试下。
💋五𩠌(韭菜饺，五香牛腩，酸甜斋，瑞士鸡翼，清汤萝卜加腩汁同辣汁粗面)，呢个价钱食到5个𩠌，真系劲抵！佢D配料都唔会将货就价，佢个韭菜饺唔好讲笑，都几大只，食落韭菜香浓，肉质弹牙，五香牛腩五香味好重，而佢D牛腩炆煮时间岩岩好，唔会痴牙，酸甜斋系车仔面舖出现好特别，所以点黎试下，佢煮到好淋，而且不失酸甜斋的味道，配埋汤底好夹，瑞士鸡翼大只得有点过份，佢煮到好入味，食到甜甜地的味道，唔错，清汤萝卜佢D萝卜食落清甜无渣，食左咁多款浓味的配料后带黎一点特别的味道，冲淡一下味蕾，而佢个腩汁味道好香浓，配埋粗面食好唔错，而佢个辣汁好贴心咁用匙另外装好，方便客人控制份量，食落香辣而且将碗面的味道提升唔少，正！
💋五𩠌(卤水孖筋，蚝油花菇，南乳猪手，秘制鸡翼尖，怀旧猪大肠加腩汁同怀旧沙爹酱米线)，卤水孖筋，佢呢个孖筋食落爽口弹牙，而且劲入味，劲香卤水味，正，蚝油花菇，佢呢个花菇蚝油味道香浓，佢D花菇煮到好入味，大大只之余咬落又淋身，南乳猪手方面，佢猪手煮到好入味，比到我入口即溶的感觉，好正，秘制鸡翼尖，佢D鸡翼尖算几大只下，方便食用，而佢味道辣辣地咁，几刺激，而佢个猪大肠处理得几好，冇臭味，煮得又入味，肥瘦匀称咁，唔错，配埋佢个沙爹酱一齐食，成碗米线真系会带黎不一样的感觉，可能呢个就系佢地所讲的怀旧吧。
💋鲍汁鸡脚，佢个鸡脚SIZE唔细之余，数量又唔少，咬落都几淋身，而且佢D鲍汁又唔会太咸，食落鸡脚劲入味，正！
张贴
