六記潮州打冷 (已結業)

入去元朗探朋友，问佢呢度附近有乜好食。佢就话附近有间打冷唔错，都开咗好多年，于是就同佢去咗试吓。我哋两个女仔食，本来唔谂住叫太多野。点知睇落餐牌佢样样野都唔贵，于是都好贪心买咗四样嘢，分别有豪仔粥、豪饼、卤水拼盘、同埋炒蟹。先讲豪仔粥，里面啲豪仔出奇地多，加埋啲芹菜香喷喷好好味，一啲都唔会腥，粥底都好甜。另外豪饼都好大块，热辣辣应该系啱啱炸起，而对面啲豪仔亦同样好多。卤水拼盘就反而冇乜特别，味道同出面啲打冷差不多。反而个炒蟹就真系好惊喜，唔使$100啲蟹我哋两个女仔都食唔晒，味道都算唔错几滋味。不过晚饭时间都系得一个阿姐喺度，所以如果要求好嘅服务呢度就难啲，不过佢胜在价钱够平抵食。我如果下次过开来都会嚟呢度食，听我个朋友讲佢间唔中都嚟，因为够抵食。