小島料理

营业中

休息中

小编特别喜欢街坊小店，近排发现咗另一间喺大角咀，一打开门，见到坐满哂人以为冇位，好彩仲有位。店主打日式牛丼，系安格斯牛，亦有猪同鸡，𠮶牛井啲牛系慢煮，好似好吸引，就叫咗牛。题外话，𠮶餐牌系漫画画，画得好靓，好有日本风格，好似置身日本，赞。📌慢煮牛丼𠮶牛丼系用安格斯牛肉，加上慢煮，肉质特别鲜嫩多汁，摆丼亦用心，牛肉呈鲜红色，5大块放成好似花瓣咁，好靓，中间有一个日本蛋黄，刺穿之后蛋浆渗入啲饭度搅匀食，加上秘制酱汁同乳酪酱，极似日本风味，仲有搭配清新杂菜同生菜丝，整个牛丼非常丰富，份量亦适中，怪不得好多人坐唔到里面都要叫外卖。📌松饼(士多啤梨)小编仲叫咗一个甜品，系士多啤梨味松饼，小小一件，感觉清新又唔会太饱，店主话系日本直送唔系成日有货，好彩今次食到，确实好味，作为饭后甜品就最好了。