瀛素食 (已結業)

🍣 杂锦寿司拼盘 瀛素食 🍣 出开去油麻地剪头发，顺便去咗瀛素食食个午餐。瀛素食可以话系一个平民日式餐厅。虽然坐得迫迫地，但价钱平民化。午餐餐牌有五个选择。全部都系$48 仲送例汤好抵㖞。我叫咗杂锦寿司拼盘，有四件软壳蟹卷，几好味呢，「软壳蟹」脆卜卜🤪。其余四个寿司就普通嘅粟米寿司、腐皮寿司、玉子寿司。平时喺普通寿司店都食到。普普通通。另外有一件系素三文鱼寿司。咬落去有啲似蒟蒻嘅质地，其实冇乜味道。如果佢配牛油果寿司就仲好。不过以$48来讲，已经交咗功课。