御名園 (已結業)

前几日同亲戚食饭，入到去将军澳依一间叫做御名园嘅酒楼。亲戚话，平日晚市叫小菜都几抵食，而且味道几好，好过一啲老牌连锁酒楼。比较少去到将军澳嘅我，就一于试吓依一间酒楼吧。酒楼环境都相当之舒服，楼面姐姐非常有礼，可能见到我哋睇餐牌睇得泰莱，佢都会过嚟介绍一下有啲乜嘢系好食。打破咗我哋好耐都未嗌嘢食嘅尴尬位。姐姐问我地有冇兴趣试吓老火靓汤，我哋就听咗佢话，叫了两款呢个礼拜限定的老火汤。羊肚菌南北杏炖花胶汤同埋雪莲果椰皇炖竹丝鸡汤，我两款汤都饮过，两款都非常之清甜，特别嘅地方系每一碗都有落足料，除咗汤水之外，仲真系可以食到汤渣，呢一方面都可以见到酒楼系落足料，唔会特别落一啲味精去令到特别好饮，真材实料。既然亲戚话晚市平日系有特价，我哋睇完餐牌之后就发现有几个晚市套餐都真系几抵食。依个组合我哋嗌咗姜葱焗美国桶蚝、黄金焗海虾、烧鹅皇。我最钟意都系姜葱焗美国蚝，估唔到中式酒楼都可以食到咁好味的焗蚝，平时就食得多生蚝或者西餐煮法嘅焗蚝，但系依一间御名园利用姜葱煲仔嘅煮法嚟爆香蚝仔，一嚟美国蚝系非常之大粒，啖啖肉之余仲有够晒镬气，真系好味过就咁食一只生蚝。咸蛋黄金焗海虾亦都非常之香口，酒楼用上大量嘅咸蛋