Plato (已搬遷) 新店位置

因为要去油麻买啲嘢，所以系尖沙咀放咗工之后就行过去油麻地。喺中华书局附近见到呢一间餐厅，门面有圣诞嘅装饰，所以就吸引左我地入去食嘢啦。餐厅唔算好大，但坐得舒服。餐厅入边都有一啲圣诞嘅装饰，令我觉得好开心，好快圣诞节就嚟啦。叫咗两个小食，呢一个系BBQ鸡翼。BBQ酱汁酸酸地，鸡翼炸到好脆，热辣辣，肉滑。虽然隔左阵食，但都仲好热！炸鱿鱼圈鱿鱼圈都系刚刚炸起，外边好趣，但系入面鱿鱼好爽口，点埋个沙律酱食好好味。嚟到嘅时候五点钟到，仲有lunch Menu叫，价钱好抵！我地叫咗两个餐。呢一个系餐汤，我估应该系西兰花忌廉汤。因为会见到一粒粒绿色嘅嘢，应该就系西兰花碎。汤比平时饮开既忌廉汤无甘cream，清清地几好味。西冷估唔到块西冷扒咁大块，啱啱煎起所以好香，个底有啲薯条喺度，好脆口。今次我叫咗七成熟，切开咗仲有少少粉红色，几重牛味，肉质入口唔会好鞋，配埋个BB酱，正！All day breakfast 有沙律菜、肠仔、牛角包、茄汁豆同埋黑松露炒蛋。牛角包暖暖地，入边好松软。我地叫呢个餐主要原因都系因为有呢个黑松露炒蛋！！黑松露好香，捞埋啲炒蛋食简直系人间极品。蓝梅芝士蛋糕重芝士味，好滑溜。不过