影片
更多
2013-07-17
845 浏览
一早已经plan好，同陈生去完水口湾掘蚬后去小泰皇食泰菜。本身唔系好识点入去， 因为餐厅同东涌地铁站有一段距离，好彩，上咗巴士沿途右手边一见到小泰皇，即刻按掣落车。掘蚬掘咗成日手软脚软，不过一谂起酸酸辣辣嘅冬阴功汤，精神为之一振啊哈哈！我呢个plan系咪唔错呢？由于去到时只系六点几未到食饭时间，一去到有好多吉位，可以选择坐户外及室内，坐户外有蚊，就算佢喺我櫈底放咗蚊香同埋提供蚊怕水比我，我未开餐就「被开餐」啦。顶唔顺，入番室内。冬阴功：好好饮，酸酸辣辣，好重柠檬叶及香茅嘅味道，略嫌大虾煮得有点老，老到有点发白。椰青：食泰国菜又点少得椰青呢？就算系饮一啖冬阴功再饮一啖椰青，都觉得好配合。而且饮完仲可以刮椰青肉当甜品。双重享受，正！蒜蓉包：蒜蓉包要衬热食，加埋牛油好香好脆。由于平时钟意食翠华奶油猪，呢个蒜蓉包啱哂我口味啊！ =)凤爪沙律： 一个字「辣」， 陈生推介嘅凤爪沙律，凤爪已去骨，食落爽口弹牙。不过对我嚟讲太辣，食咗一啖要即刻饮啖椰青先降到温。牛肉炒河：点解会点河粉系曾经去过chatuchak食超QQ河粉，呢个牛肉炒河令我好失望。一放上枱，反哂光好油好油，味道唔突出。鸡肉串烧：估唔到
本身唔系好识点入去， 因为餐厅同东涌地铁站有一段距离，
好彩，上咗巴士沿途右手边一见到小泰皇，即刻按掣落车。
掘蚬掘咗成日手软脚软，不过一谂起酸酸辣辣嘅冬阴功汤，精神为之一振啊哈哈！
我呢个plan系咪唔错呢？
由于去到时只系六点几未到食饭时间，一去到有好多吉位，可以选择坐户外及室内，坐户外有蚊，
就算佢喺我櫈底放咗蚊香同埋提供蚊怕水比我，我未开餐就「被开餐」啦。
顶唔顺，入番室内。
冬阴功：好好饮，酸酸辣辣，好重柠檬叶及香茅嘅味道，略嫌大虾煮得有点老，老到有点发白。
椰青：食泰国菜又点少得椰青呢？就算系饮一啖冬阴功再饮一啖椰青，都觉得好配合。
而且饮完仲可以刮椰青肉当甜品。双重享受，正！
蒜蓉包：蒜蓉包要衬热食，加埋牛油好香好脆。由于平时钟意食翠华奶油猪，
呢个蒜蓉包啱哂我口味啊！ =)
凤爪沙律：一个字「辣」， 陈生推介嘅凤爪沙律，凤爪已去骨，食落爽口弹牙。
不过对我嚟讲太辣，食咗一啖要即刻饮啖椰青先降到温。
牛肉炒河：点解会点河粉系曾经去过chatuchak食超QQ河粉，呢个牛肉炒河令我好失望。
一放上枱，反哂光好油好油，味道唔突出。
鸡肉串烧：估唔到有5串咁多，好好肉地，好juicy =P
不过个汁唔够元朗「串皇」惹味。
今餐食到好饱啊！
唯一唔开心系食唔到泰式生虾，menu上系冇呢个菜式，
因为卫生问题，如果要食，就须要预早打电话落order book嗱！
题外话/补充资料：
（1）waitress都系泰国人，室内的摆设同埋兰花､泰皇画，令成件事好泰国feel !!
（2）得一个大厕所，几企理，去得安心。
（3）餐厅仲有专车VAN送客人到东涌地铁站，咁就唔驶担心点样搭车出番去啦 =)
(以上食记乃用户个人意见 , 并不代表OpenRice之观点。)
张贴
