川味雞烤魚大王 (隆亨商場) (已結業)

一直都好想试下正宗嘅烤鱼，听朋友介绍过呢间好好食，趁今日过开大围，一于试下啦！地点向隆亨商场都好易揾，我地去嘅时间系午饭，刚好有午市火锅烤鱼套餐。我地拣左重庆麻辣烤海炉鱼，因为我本身唔太食辣，但又好想试，所以拣左BB辣试下。一黎到原条烤海炉鱼上，劲大条！炉鱼啲皮烤过后有少少脆口，鱼嘅面头铺满花椒同埋原只辣椒！开火嘅时候已经飘黎阵阵香味，成条鱼唔多骨，估唔到系噤香同噤滑！BB辣对我黎讲就刚刚好，唔太辣又食到鱼嘅鲜味！配菜方面我哋点左雪花肥牛，濶薯粉同田园杂菜！雪花肥牛配呢个重庆麻辣同样出色，而濶薯粉同田园杂菜吸哂重庆麻辣烤鱼嘅精华之后系非常之入味，好出色啊！平时唔食鱼嘅我都觉得非常之一流，会再黎喔！