十二味 (搵食市集)

营业中

休息中

一向都好钟意食海鲜嘅我，自从知道有麻辣小龙虾呢样野之后，真系为之疯狂，同老公一样劲钟意食呢啲嘢，辣同海鲜就系我哋嘅至爱🤩但系我哋都比较细食，样样野都好想食，最终我哋叫咗一份细嘅小龙虾，同埋一份水煮牛肉，小龙虾我哋加咗刀削面，点不知水煮牛肉个配料都有薯粉喺里面😝😝😝讲返小龙虾先，麻辣味唔算太出，我哋已经叫咗中辣，都唔算好辣，但系麻味就一啲都唔够，不过整体来讲味道都算入味，刀削面沾咗呢啲汁好好味，小龙虾都已经算系大只，至起码蟹钳都有肉，数量都刚刚好二人份量，至于水煮牛肉份量比较多，平时出边嘅水煮野系配料同辣椒比较多，但系佢反而相反，系牛肉比较多，再加埋薯粉，真系好饱，佢仲有少少芽菜配料，牛肉都好滑，大大嚿啖啖肉，呢个我哋嗌左小辣同埋中麻，麻味好够重，辣味刚刚好👍🏻👍🏻👍🏻相信送饭系一流，饮品叫左杯百香果，唔会好甜，大大杯又有少少解辣，不错不错👍🏻