羅勇泰國粉麵 (已結業)

餐厅系厚福街地舖，蓝白色的门牌很注目，店内装修简洁。我地点了什绵汤河、海南鸡饭、青咖喱软壳蟹、炸米饼同埋两杯青柠红茶。什绵汤河店员介绍汤底用好多种材料熬成，完全冇落味精，仲教我地先喝啖汤再食河粉，然后可以试落醋、辣汁、辣椒粉同埋糖，汤会变成完全不同的感觉。我地跟著照做，果然不错，有少少好似肉骨茶嘅味道。汤河是阔身的泰国河粉，都几滑，材料都很多，有牛丸、墨鱼丸、鱼旦、鱼片、扎肉、炸猪皮同埋好多爽口芽菜。海南鸡饭个姜蓉酱有辣有唔辣，我哋拣左辣，都几惹味。鸡肉有好多件，油饭分量亦大，都几抵食。跟饭还有碗椰子鸡汤，都几有惊喜，虽然系鸡汤，但都几清唔油，有椰子香味，饮得到冇落味精。青咖喱软壳蟹配炸米饼青咖喱原本有跟碗饭，但我哋惊太饱，就转左要炸米饼。青咖喱辣度啱啱好，茄子软滑，吸哂青咖喱汁，好惹味。主角软壳蟹算大只，见到有完整一只，平时食到嘅通常都有层厚炸粉，呢度就唔同，冇厚粉，所以不肥腻，食到啖啖蟹肉，正。炸米饼亦都好干身香脆，用黎沾咖喱汁食一流，完部材料摆在上面食都好正。