666泰船麵 (仁愛街) (已結業)

一间位于新蒲岗相当有特色嘅泰船面，店舖嘅装饰摆设都好特别，每个角落都有唔同风格，睇得出店主好花心机去设计。呢度嘅船面出名抵食夹大碗，而且都保留到泰国嘅风味，性价比真系10分高。牛肉船金边粉咁大碗船面都只系$47 ，配料多到差啲泻出嚟，入面有肥牛、牛腩、牛丸、仲有脆卜卜嘅炸猪皮。汤底浓郁，金边粉弹牙。冬阴海鲜汤米呢碗一样都系落重料，有鱼，鱼蛋，鱼片头同虾，只虾虽然唔系好大只，不过都几新鲜，汤底比较酸，几开胃。识得泰国嘢梗系要赔返泰国饮品啦樽仔泰式奶茶青柠梳打想平平哋又食到有返咁上下质素嘅泰国料理就真系要黎依度试吓啦👍🏻👍🏻👍🏻