泰潮 (已結業)

深水埗买完野要医肚，见到呢间话系米之莲，泰菜都好耐无食过，就拣左呢间食啦~ 晚市刚开始就要等位，两个人都要等六七张枱，都多人等㖞，似乎呢间真吸引。终于有位啦，小店地方唔大。一睇餐牌，有套餐，而且价钱仲好抵添…有选择困难既我样样都好想试，怕食唔晒而且又唔系好饿。最后我地一人一碗粉，我叫左冬阴公金边粉，冬阴公汤底酸味辣味适中，汤内有成四只虾，仲要只只弹牙辣辣地好过瘾。朋友叫左泰色扎肉鸡肉汤粉，汤底甜甜地，扎肉好好食。个泰式炒芥兰辣辣地好好食，配杯青柠梳打简直一流，成餐仲好抵。见到人人都叫海南鸡饭，可惜我去已经好饱，唯有下次再试