阿來泰式地道風味

营业中

休息中

平日揾地方lunch，见前面得两team人排紧队就排下，等左10分钟都无就入得。泰式SUKI炒粉丝$68- 份量好足够，粉丝好入味。佢有得拣猪牛鸡。青咖喱猪$77-呢个劲好食，强烈推介必食！一啲都唔辣，劲香泰式咖喱味，啲猪旧旧都劲大嚿，又唔嚡。另外再叫咗薄饼配，一流。猪颈肉炒通菜$78-又想食猪颈肉，又想食通菜。叫太多又怕食唔晒，叫呢个就啱啱。好通菜好有镬气。薄饼（4件）$38 - 叫咖喱一定要叫薄饼！泰式奶茶$25 - 小小偏甜，同泰国嘅味道一样。西米糕$58 - 佢有六粒，明明食到好饱谂住食唔晒拎走，但系因为太好食都系忍唔住。总结：佢性价比好高，每一样嘢都系几十蚊，叫多几款都唔肉赤。味道拍得住九龙城，地点又方便。下次再嚟。