彩福欣宴 (已結業)

前一排同几个朋友，去咗佐敦嘅一间酒家食晚饭，发现有惊喜，就系酒家嘅环境布置十分浪漫，地方宽躺，舒适企理，再配上柔和嘅灯光，整个环境都好舒适！而且仲好有摆婚宴嘅气氛装修主要以白色，紫色为主。食物方面，我哋试左几款唔同嘅小菜，价钱相当合宜，味道非常新鲜，份量亦好充足！呢点系甘笋炒牛柳丝！即叫即煮，够镬气，配料丰富，味道美味！用嚟送饭最好不过！芙蓉炒蛋，蛋质非常嫩滑，系健康嘅小菜！价钱亦唔贵！份量都足够三至四人享用！最后，仲有必食嘅龙虾，可以配搭伊面！