影片
更多
2012-03-07
38 浏览
12月4日, 下午茶时间走在淘大, 揾下有冇tea食, 行过呢间海南鸡专门店, 见到佢嘅下午茶几平咁, 有个饭包埋饮品大多都系廿几蚊, 点都要试一试~::: 去骨海南鸡饭 + 冻柠茶 ::: $23当然下午茶时间就预咗份量唔会多, 但系出嚟嘅都唔会失望, 因为都有一整饭碗, 上面铺咗4件鸡, 仲要系鸡脾添! 而新加坡海南鸡饭特色当然唔少得𠮶3种酱, 个人最钟意甜豉油, 不过我都会3种都捞晒, 实行大混酱又辣又甜又有葱香~ 可惜质素只属一般般, 海南鸡肉地虽鲜嫩但系冇乜味, 话明去骨但系仲有骨… 油饭过于干硬应该都滩冻咗好耐, 唔新鲜. 应该就系午餐用剩嘅饭想卖埋去, 好彩呢个饭只系$23包饮品, 快餐价钱都食到d特别野~冻柠茶正常咁啦, 柠檬味够亦都唔系用唔新鲜嘅去做. 甜度都够晒.::: 咖哩鸡扒饭 + 冻奶茶 ::: $23份量同海南鸡饭相约, 但感觉就求咗d~ 有一块都几甩皮甩骨嘅炸鸡扒同埋半兜好似人地食剩两旧薯仔嘅咖哩汁比我. 鸡扒肉味就欠奉架喇~ 但如果佢系由lunch time摆到而家嘅话, 其实都唔算太干, 个皮仲有少少脆添. 兜咖哩汁虽然核核突突, 但又估佢唔到浓杰适
::: 去骨海南鸡饭 + 冻柠茶 ::: $23
当然下午茶时间就预咗份量唔会多, 但系出嚟嘅都唔会失望, 因为都有一整饭碗, 上面铺咗4件鸡, 仲要系鸡脾添! 而新加坡海南鸡饭特色当然唔少得𠮶3种酱, 个人最钟意甜豉油, 不过我都会3种都捞晒, 实行大混酱又辣又甜又有葱香~ 可惜质素只属一般般, 海南鸡肉地虽鲜嫩但系冇乜味, 话明去骨但系仲有骨… 油饭过于干硬应该都滩冻咗好耐, 唔新鲜. 应该就系午餐用剩嘅饭想卖埋去, 好彩呢个饭只系$23包饮品, 快餐价钱都食到d特别野~
冻柠茶正常咁啦, 柠檬味够亦都唔系用唔新鲜嘅去做. 甜度都够晒.
::: 咖哩鸡扒饭 + 冻奶茶 ::: $23
份量同海南鸡饭相约, 但感觉就求咗d~ 有一块都几甩皮甩骨嘅炸鸡扒同埋半兜好似人地食剩两旧薯仔嘅咖哩汁比我. 鸡扒肉味就欠奉架喇~ 但如果佢系由lunch time摆到而家嘅话, 其实都唔算太干, 个皮仲有少少脆添. 兜咖哩汁虽然核核突突, 但又估佢唔到浓杰适中有椰奶味夹咖哩香! 不过由于d饭颇干硬, 捞埋咖哩汁都无补于事… 唯有认真咀嚼完先吞.
冻奶茶都几浓, 不过d茶味都几涩… 同埋因为一早冲定晒所以无得调较甜度, 都几甜.
完全自助式, 买飞攞餐都要自己嚟, 所以就冇乜服务可言. 平民茶餐厅确实价钱非常相宜, 但系一分钱一分货, 冇话好食唔好食, 睇下自己对食嘅态度~ 呢个价钱下次我地都会再嚟食嘅.
张贴
