篤篤車 (已結業)

好耐冇行过女人街啦！今日行旺角行到攰，就去咗笃笃车食港泰fusion车仔面，呢间车仔面都几抵食，三𩠌面加小食加菜嘅套餐，只系$81 ，食到揽住个肚走，份量十足呢间车仔面都几特别，因为系港式家泰式fusion, 港式传统车仔面嘅𩠌，配上泰式嘅汤底，例如冬阴功汤底，或泰式鳄鱼汤汤底，另外佢都有啲港式汤底，例如咖喱汤底和清汤选择。除咗车仔面，佢仲有泰式炒饭、咖喱、泰式炒菜和泰式小食选择，选择都几多，例如有虾饼、鱼饼、蔗虾等等。饮品亦都有泰式选择，例如薄荷青柠梳打。总而言之，彩色选择唔少，有泰式风味之余，亦都有港式特色。我哋叫咗两个车仔面餐，一个叫咗冬阴功汤底，另一个叫咗泰式鳄鱼汤汤底。冬阴功汤底味浓，少少酸辣非常开胃，配上猪红、生根、咖喱鱼蛋和米线，呢个冬荫汤面真系非常特别，出面绝对食唔到。值得一赞嘅系呢度嘅咖喱鱼蛋系用陈皮鱼蛋制成，净系呢样都值得叫啦！鳄鱼汤汤底我都系第一次试，估唔到又几鲜甜，颜色有少少似猪骨汤咁，白白地，钟意鲜甜同清清地嘅就啱晒！我叫咗生根、萝卜、鸡翼同埋芫荽，萝卜煮得非常林同入味，鸡翼亦都大大只。小食方面，我哋叫咗泰式凤爪和网纹春卷，泰式凤爪都几大碟㗎，凤爪冇骨，食落味