星廚 (已結業)

同朋友食饭唔知食咩好，又醒起讲左好耐话去试呢间，今次终于食到喇。首先有个一口牛脷，其实有四旧不过有一旧比个朋友食咗。佢个牛脷好好味，整得好腍好似食紧牛腩咁，佢个牛汁好特别，两者加埋食落就好好味。蒜蓉包就比较普通，不过佢系烘到个面包好脆但系咬落系唔会刮口嘅。同埋佢每一块包都搽左薄薄既牛油加蒜蓉，搽得好均匀。而且啲牛油都系好香嘅，唔系好平好cheap𠮶啲。焗猪扒饭，个汁你以为佢系一般嘅蕃茄斗，点知佢系一个好特别嘅蕃茄汁。特别在于佢加左啲唔知香料同黑椒，令到佢变成一个好特别嘅蕃茄汁。个猪扒就普普通喇，整得好腍，但个猪扒本身唔系好新鲜。呢个牛肋骨整到好腍好好味，个牛汁都好香。佢配既炸薯角同沙律菜都好好味。炸薯角炸得好香脆，一啲都唔干，一咬落去好粉好正。然后沙律菜好新鲜，配少少黑醋都好好味。呢个牛扒都不错，有好香既牛肉味，又唔韧。呢个云吞好特别，有别于一般食嘅港式鲜虾云吞同法式云吞，有少少似系两者嘅mix版。蟹云吞我系第一次食，有好香既蟹味，配埋个忌廉汁系无得弹。三个人食到捧住个肚走，由好肚饿食到好饱都系百几蚊，抵到喊。平价抵食又好味，绝对推介。