MOS Burger Express

营业中

休息中

经过见到觉得好吸引，于是就买左佢期间限定嘅特级和牛汉堡试下。特级和牛汉堡（$31）呢个包有番茄、和牛汉堡、生菜、芝士。一直觉得mos burger嘅番茄好粉，唔好食，但系和牛汉堡入面块番茄都几好食。和牛方面，比起普通嘅摩斯汉堡佢更加有牛味，同埋口感实啲，肉质又嫰啲。包入面有啲类似烧肉酱嘅酱汁，同个和牛汉堡好夹，啱晒我口味。摩斯鸡块（$26）今次跟餐叫左个摩斯鸡块，好贴心嘅包装，可以就咁撕开张纸然后攞住，唔洗整污糟只手。食落有啲似隔离嘅脆辣鸡腿，外皮香脆可口，但系冇咁辣。抹茶鲜奶（＋$6）跟餐配饮品，但系转抹茶鲜奶要加6蚊，饮落都好浓抹茶味。话说我今次叫左少冰，然后冰系会同份量一齐少左嘅。而家摩斯汉堡系用盒装，好方便。