AGE Bar & Restaurant (已結業)

好友生日，梗系要揾间好地方庆祝下，谈谈心。某天行过，见到门口有个易拉架写住牛宴，见佢装修都靓靓地，就一于试下喇。叫左两个set,一个牛肩柳，一个系风车牛柳配意大利烟肉。佢而家做紧promotion，叫两个set会送鹅肝或者青口，我地就拣左青口，估唔到送嘅份量都唔少，青口粒粒都好大粒，好有囗感，白酒味好香，真系好正。跟餐头盘系意大利云吞同露笋，云吞都好好味，但得一粒，有啲唔够喉。餐汤系椰菜花忌廉汤，友人话ok啦，我果个upgrade左海龙皇汤，闻落已经好香好香，饮落好重龙虾味，又跟一只青口同虾，只虾非常爽口，好耐无饮过一个咁正嘅汤。饮完个汤已经7成饱喇。到主菜牛肩柳好滑，风车牛柳牛味好浓，都好正，不得不提系配菜嘅薯角，系估唔到咁好食。最后个甜品系mango cheese cake, 已经饱到食唔哂喇。book 枱时讲左有朋友生日，系甜品碟上有写happy birthday, 真系好细心，友人都好开心，非常满意嘅生日饭。