九重鮮 (已結業)

朋友屋企有铁板炉，间中就会邀请我哋去食铁板烧，今次由我哋负责买食物， 我哋就去咗黄埔九重鲜叫咗家用版海鲜串烧套餐。套餐包括三款海鲜(本地带壳蚝、海虾及海蚬) ，16款串烧/烧肉/蔬菜各2串， 前菜泡菜一份，咖哩牛肉饭一份， 甜品两份，餐酒一支，足够3-4人食，好丰富又抵食。有几款我特别喜欢食：本地带壳蚝 - 烧完之后，仍然好有海水味，算肥美。牛脷串 - 厚薄适中，好软淋。墨鱼须串 - 鲜味爽口又唔会韧。翠玉瓜猪肉串 - 翠玉瓜夹脆，猪肉有肉味。支红酒又几好饮，配铁板烧一流。