King's & Queen's 冰室 (已結業)

今日同家人黎到泥涌食晚餐，见到有一间冰室环境干净舒服，所以就拣左呢间食。一入到去店员礼貌好好带我地入坐，原来依间冰室算系新开冇几耐，唔怪之得环境好新好干净。打开餐牌，菜式都算系好大路，间唔中有d特式小菜咁，所以都问下店员，店员就开始介绍菜式同推介主打，感觉亲切好客，最后以下几味菜：1.杏汁白肺汤首先叫左个汤，本身钟意杏仁，而呢个汤杏汁味超浓又够奶白，猪肺干净冇血味，汤唔会饮到有内脏味道，推介！2.古法羊腩煲冬天黎到紧系叫返个羊腩煲，羊腩够淋够入味一咬就开，其他配料都好正好入味，食到暖粒粒！3.金牌乳鸽皇上枱时已经好香，食落有好多层次既香料味，皮脆内香入味，抵食！4.椒盐九肚鱼听店员讲好多人叫，所以试下，果然好味！入口外层脆卜卜，内里软绵绵，口感丰富，而且调味适中，咸咸辣辣香香脆脆，食完一碟都觉得唔够喉！5.咖喱脆皮牛腩见到呢个名好得意所以叫左黎试，原来系每旧牛腩上左炸浆黎炸，上菜好细心咁分开左黎上就唔系淋哂，牛腩好大旧但食落都好入味而且唔会咬唔开，女士都可以好轻易咬开分几口食，唔错！咖喱就好重香料味，同牛腩好相配。6.豉椒炒蟹店员话今日时令海鲜蟹好靓，而且可以自选煮法，最后拣左豉椒炒。