福苑火鍋海鮮酒家 (已結業)

靓女C介绍呢度食大闸蟹只系$38，而且海鲜好味又抵。当造季节，一个月左右去咗3次，每次去啲大闸蟹每只至少4.5两仲要爆膏。圣子$78有4只鲜甜爽弹。豉油虾$78肉实净超级惹味份量多。龙虾乌冬啲龙虾几鲜味。蒸鲍鱼、扇贝略细蒸得略过火。炸嘢出色：炸鲜奶、炸生蚝、炸鱿鱼须、炸九肚鱼全部冇过油又外皮松脆。前菜小菜如海蜇青瓜、南瓜芋头煲、京都骨、粗斋煲、片皮鸭、卤水鸭舌几好。腩仔唔热唔脆可不试。每次食海鲜小菜每人约$200内。后嚟呢区乱乱哋，我哋就转咗场去同集团嘅“金都国宴”lu。