吉野家 (已結業)

今日去装修完新开翻既吉揾食，去到真系吓死人呀，排长龙到去门口，真系激死人，我都系想系尖沙咀区食餐晏仔姐，香港人揾食真系艰难喇！日日去到边都咁多自由行，唉…… 叫晒救命！！装修后并没有又加价，而且环境变得新净，坐得亦舒服好多，仲有韩歌播放，平时真系无留意有，还发现餐牌更换上了电子menu，当堂靓仔晒！员工不足，所以速度好慢，虽然大把位坐！排左有成四十人，终于都到我喇！叫左例牌既牛肉丼加牛肉汁配冻奶茶！牛肉依旧抵食夹好味，但份量已经细左不少！饭是沿用珍珠米，索左牛肉汁，捞饭好唔错！奶茶系茶味较重，但奶茶比例得宜，甜度亦适中，加上够晒冻，十分解渴！