小方糖甜品 (荃好景大廈)

营业中

休息中

宜家夜晚无得去糖水舖同朋友坐低食甜品，惟有试下荃湾呢间新开的甜品店，外卖佢地既芒果拿破伦返屋企食。🧡黄金拿破伦舖头有几种水果拿破伦可以拣，今次就拣左食芒果呢一款。如果想要多啲配料的话，可以额外加钱，有雪糕、西米同凉粉等等比你自由选择，不过外卖怕溶既关系就无加到。拿破伦都几大份同厚身，面头有忌廉同粒粒芒果肉，外卖仲附有一兜芒果酱比你返到屋企食个时先落，免得拿破伦变淋。本身都担心拿破伦拎到返屋企会唔会淋哂，不过依然保持入口酥脆。芒果粒粒都好甜唔酸，芒果酱比较稠身，芒果味都几浓郁。如果面头的忌廉可以再多啲就更好。