Marco's Oyster Bar & Grill (已搬遷) 新店位置

平日都唔会点行呢区，但见第二日假期，就过黎行下街食下饭，无意中见到呢间餐厅。餐厅系西九龙中心入面，地铁行过去都好快，十分钟左右，食完仲可以行下街消化下。一入去，座位都几宽敞，唔会话好逼。佢用左红蓝格仔枱布，又挂满希腊相，最特别既系有位结他他老伯，唱歌弹结他，成个feel就好似去左希腊咁。由于我同朋友都系唔食生蚝既，就无特登叫黎食，不过见佢都唔太贵，叫够一打仲有酒送。我地就叫左两个set dinner，芝士焗龙虾拼肉眼同扒虎虾拼牛扒。芝士味都好浓，拉到丝，龙虾都几大只，唔系果d一啖就食完。由于我唔太食生野，就叫左7成熟既肉眼，佢煎到岩岩好，唔会话太熟，又仲有小小粉红色。个set仲配左薯条，一个人食都几饱。至于另一块就系薄牛扒，唔洗简几多成，煎到好香，肉味都好浓。我地仲叫左鸡串烧，20几蚊有3串，都烧得几惹味。D staff都几nice，见我只碟摆满左龙虾壳，都会自动帮我换过只新碟。总括黎讲，野食都唔错，两个餐加串烧、一杯野饮同件cake埋单都系400蚊左右，都值得一试。