甘味讚岐手打烏冬

营业中

休息中

难得同同事好友食晚餐，嚟咗皇室堡呢间甘味食日本野，餐牌花多眼乱，最后还是简单啲吃set，我叫咗个芝士猪扒便当（ $128 ），有刺身（三文鱼、鲷鱼、玻璃虾同埋蟹柳），每款两件，而且都新鲜！又有四件寿司（三文鱼、马刀贝、墨鱼片、玉子），仲有蟹子沙律，有我选择嘅芝士猪扒一件，仲有一碗赞岐手打乌冬！仲有一碗面豉汤！一个set有六样野，系超级丰富，而且只系$128 ，我觉得相当之抵！ ！除咗刺身同寿司冇令我失望之外，蟹子沙律份量好多，可以中和一下。而芝士猪扒好大件，里面有浓郁嘅芝士，好吸引啰！至于手打乌冬都好弹牙！我谂系我咁大食嘅人先食得晒！同事叫咗个软壳蟹天妇罗便当（$108），除咗个猪扒变成软壳蟹其他完全一样，软壳蟹都炸得唔错，成只蟹型喺度，又唔会油腻。另外仲有个小食「烧八爪鱼饼」（ $38 ），相比之下份量就「的骰」啲，属于烟韧质地，味道尚可，见到有啲八爪鱼碎喺里面，真材实料。