大越越南餐廳

营业中

休息中

今晚约咗个客交文件，顺便喺佢屋企楼下食晚餐，呢间大越越南餐厅，都系间黄店，就帮衬佢啦！先黎个「鲜虾米纸卷」（$46），一碟四件，米纸包住虾、生菜、米粉和萝卜丝，味道酸酸的好开胃，钟意也可以点鱼露醋，是不错的小食。「大越海南鸡饭（配油饭）」，估唔到啲鸡咁滑，软身又够入味，几好！仲有个「大越三宝叻沙」（$68），有香茅鸡翼、香茅猪扒及扎肉三个𩠌，每款两件，𩠌和叻沙分开上，汤底带点辣但好惹味，猪扒有点干但鸡翼就几好。虽然我哋唔系嗌套餐，但如果叫饮品也可以用加配价，所以我地都加左杯两杯椰汁真多冰，椰汁味好重，很不错。