越男仔Express

营业中

休息中

放假去德福嘅food court食晚饭。揾到间性价比好高嘅越南菜！✨葱油香茅猪扒配黄姜饭 $59黄姜饭软绵而且香气十足。份量相当多，有成两至三碗饭。猪扒肉质软腍，充满香茅嘅味道。反而葱油嘅味道冇平时中式烧味饭𠮶啲咁浓。✨皇牌3+2捞檬粉（手撕鸡＋猪颈肉丝+脆猪肉+扎肉丝+烤牛肉） $68配料嘅份量好多！烤牛肉又腍又入味，烤得够香。手撕鸡嘅麻油味好浓郁，估唔到配越南嘢都几好食。✨胡志明市红蕃茄四宝汤檬粉（猪扒＋猪颈肉＋脆猪肉+扎肉）$73蕃茄汤底好浓郁，酸酸甜甜好开胃。又系料多过粉，性价比好高。脆猪肉本身有烤过嘅香气，加埋个蕃茄汤超级好食。