合豐車仔麵

营业中

休息中

星期六同朋友系马道围道银行办完事后，在附近呢间车仔面觅食，除咗车仔面外，仲有客饭食。我点萝卜、冬菇、牛肚、牛柏叶、鱿鱼米粉麻辣小辣：萝卜切得刚好，方便一口咬食，炆得入味非常清甜没有渣，俾左一件朋友食都赞不绝口，话有乡下风味。蚝油冬菇都炆得入味好好食，系我钟意食细细粒冬菇。朋友点酸菜鱼饭$45：之前食开酸菜鱼都系黄绿色汤底，呢碗带点橙红色，应该系加左蕃茄落去增添酸甜味，加上芫茜辣辣，汤底酸辣开胃！鱼片份量不少，没有骨，肉质嫰滑。麻辣猪肠+韮菜猪红双拼：猪肠肥美，中间保持白色脂肪。猪红软腍，韮菜新鲜。蚝油生菜$15：嫰绿爽口麻辣牛肚+咖喱鱿鱼双拼：见牛肚同鱿鱼都几好食，于是叫碟双拼俾朋友食下。牛肚有嚼口，咖喱鱿鱼弹牙入味。朋友点冻咖啡够醒神，我点冻奶茶香滑甜度适中。