郭仔記粥麵專家

营业中

休息中

同屋企人经过大埔墟见到呢间车仔面舖， 见到有劲辣鱼蛋，所以就想去试下车仔面嘅𩠌选择都算多， 有好少见嘅鲍汁凤爪同埋蚝油冬菇另外仲有成十款面可以选择。屋企人叫咗四个𩠌，有鱼肉，牛腩，猪手和萝卜佢拣咗腩汁同油面猪手同牛腩够淋好入味， 萝卜索咗啲汤既味道唔太咸几好味。我叫咗五个𩠌面，有秘制辣汁鱼蛋， 酥炸鱼皮， 猪大肠，猪软骨和牛腩 我见唔够辣， 要拣埋佢只 秘制辣汁汤底配粗面。酥炸鱼皮系连骨炸嘅鱼皮，食落松脆猪大肠够入味卤水味浓， 猪软骨和牛腩都够淋同入味秘制辣汁鱼蛋够辣，同埋食得出佢啲鱼蛋系用咗陈皮鱼蛋， 个汤底都够浓同埋够辣。见到舖头都唔系净系卖车仔面， 仲有粥卖， 呢d 辣萝卜相信系畀客人食粥𠮶阵时落嘅， 虽然我𠮶日冇嗌粥， 不过试咗少少辣萝卜， 送粥一流。