DKLM Bar & Restaurant (已結業)

今日中午同朋友嚟到尖沙咀一间酒吧食饭同倾吓计，我哋都唔系好酒嘅人，不过谂住中午应该少啲人流，倾计会自在啲🤣 再加上呢度中午有六折优惠，好吸引呀.中午嘅阳光令到餐厅嘅光线好舒服，即使系偏暗嘅装修，都唔会令人有种昏昏欲睡嘅感觉。呢度仲有好多部电视，系睇波嘅好地方！·嘢食方面我哋嗌左个〈青口鲜蚬茄汁意粉〉，海鲜正常餐厅水准，不过份量几多，抵赞！另外个意粉酱好好味，酸酸甜甜之余都有啲海鲜嘅香味，食到停唔到口！.〈蜜糖香烧鸡翼〉落咗少少孜然粉，够晒惹味.〈迷你安格斯牛肉汉堡伴车打芝士及松露薯条〉平时聚会想share嘢食都好懒得嗌burger，因为share起嚟都几论尽🤣，呢度嘅burger细细个就啱啱好❤️ 汉堡扒唔会太干，配埋蕃茄同生菜，虽然听落普通，但其实味道都唔错～ 薯条新鲜炸起热辣辣，整体黎讲都系一个几抵食嘅party食物！·〈德国酥脆咸猪手〉一如其名，真系整得几酥脆，但系略嫌空口食会咸咗少少，相信如果配埋酒或者其他饮品就啱啱好～·〈四色芝士薄饼〉系薄批Pizza，个批底好似烘脆嘅面包咁，所以同丰富嘅芝士好match！