楊記麻辣魚館 (新填地街)

营业中

休息中

今日突然好想食辣嘢，想起附近有间杨记麻辣鱼馆，好似好耐无食过，一于去食个酸菜鱼午市套餐。我记得第一次食杨记麻辣鱼馆系响佐敦店，朋友话抵食又好食，跟佢食过后，真心觉得以呢个价钱嚟讲系唔错又抵食。旺角店装修格局比较似茶餐厅，而且地方比较干净，座位都比较阔落舒适。午餐牌同佐敦店差唔多，不论食物选择定系午市套餐价钱，都系$50至$60已经食到。酸菜鱼套餐 $58.- (配热饮加$2.-)酸菜份量多鱼片都唔少，鱼肉嫩滑，鱼味偏淡但胜在新鲜，配菜有娃娃菜及大豆芽，同样份量都唔少，加上白饭任添，真系好抵食。用饭捞埋微辣带鲜香嘅鱼汤，变成汤饭一齐食，味道一流。加两蚊嘅热饮就唔好太大期望，热奶茶味道偏淡。