爺爺雞煲皇 (已結業)

元朗真系咩都有得食 今日就同朋友入左元朗揾食 最后我地拣左食鸡煲 要左小辣 我觉得呢个辣度啱啱好 小小辣味可以增添鸡件既香味同惹味程度 太辣就会遮盖食材本身既原味 个鸡煲卖相好吸引 鸡件嫩滑 酱汁亦好浓郁 加埋d吸满汁既洋葱 好好味 另外叫左个小食试下 椒盐鱿鱼须 呢个食落香脆可口 粉浆唔厚 鱿鱼鲜味 条条都大大条 抵食 倾下计食下鸡肉食下鱿鱼须 话咁快就清哂佢地 跟住就加汤打边炉啦 我地叫多颇多配料 例如云吞 我几中意食云吞 呢度既云吞粒粒都大大旧 入面仲有大大只爽口鲜甜既虾 个皮包得几薄 唔错 个鱼皮都好正 食落好脆 好香口 但唔知点解又唔觉得油腻wo 而且调味啱啱好 唔会过咸 就咁食或者放落汤滚下先食一样咁脆咁好味 不过略嫌分量有d少 好快食哂 可能我太中意食所以食得太快啦  然后个肥鹅肠又系必叫 虽然望落好邪恶 好多脂肪 不过真系好肥美 而且又新鲜又洗得干净 食左d咁邪恶既野真系要食翻d蔬菜中和下 等自己个心好过d哈哈 有菜心同生菜 两款都新鲜 洗得亦干净 我至爱生菜 爽脆得黎配埋吸收左多样美味食材既浓郁酱汁 正