新高麗苑韓國餐廳 (已搬遷) 新店位置

平日好少去灣仔,今日去灣仔做完d嘢，就喺灣仔食埋嘢先走，今日揀咗去食韓國燒烤放題。佢係屬於港式嘅韓燒嚟嘅。我哋同朋友一行四人，響自助吧度拎咗好多嘢食埋位燒，自助吧嗰度啲選擇都好多款式,我哋主攻海鮮，拎咗好多海蝦，多春魚，墨魚仔，魷魚鬚，青口等等，牛仔骨，牛肉，雞肉，魚柳，樣樣齊。仲有蔬菜類，冬菇，粟米，翠玉瓜等。另外，自助吧亦有三文魚刺身壽司等等俾人選擇而且仲有啲熟食嘅。甜品類有幾款糖水，有幾款生果，特別鍾意西瓜，食完啲熱氣野，食番啲西瓜，感覺好舒服。