叠記咖喱

夜晚饿饿哋又唔想煮饭，入咗间面店食。餐厅由澳门过嚟，主打咖喱牛腩，另外有多款唔同种类嘅面食、饭、小食等供应。最多人叫应该系佢哋嘅双拼面，可以自行选择面条，配菜，酱汁等，唔够饱嘅亦可以再加面底同埋主食。双拼面要咗河粉，软硬程度适中，汤底本身无味道，所以一定要选择酱汁，卤水汁、腩汁、瑞士汁，个人最钟意后者，味道最浓郁，咸中带甜。配料方面有豉汁牛腩同牛筋，牛味突出，唔嚡，牛筋爽口，而且几入味。必点炸猪扒，炸至酥脆，薄切，咸香味十足，越食越过瘾，一块绝对唔够食。菜品方面有萝卜同生菜，新鲜，鲜甜，无渣，唔错。水饺就有两粒，皮薄馅靓，可以试试。