B哥車仔麵 (已結業)

约埋两个朋友去观塘行街，出发之前食个Brunch 先，原本想去骏业街红X茶记，朋友见门口有姐姐派车仔面传单，就入左商场试新嘢。$39有三𩠌一面，净四𩠌都系同价，比深水埗食开嘅化算，而加𩠌加面或一收费＄8一款，价钱合理，选择亦多；小食由$14-$28，而飮品好平，平过茶记，热饮/可乐$8，好耐无见过呢个单位数子价😻，冻饮$10，哗！哗！特饮$14🙊，唔好以为呢个价钱，坐得好辛苦，污糟邋遢，噏噏笠笠，我就觉得车仔面嚟讲系唔错，最紧要够干净，冷气充足👍🏼我哋三碗各様都要D，大家开心share，个人喜好而言推荐猪大肠，好香胆固醇味道😜喜爱猪大肠同盟一定明白系乜味，淋度啱啱好，卤水味唔会抢走大肠味💖白萝卜、饺子、韮菜、腐竹都唔错；小食就喜欢有一大碗嘅菜芯，而鸡翼炸得皮脆。整体嚟讲好过元朗老字号𠮶间law。