聚燒遙

营业中

休息中

深水埗做完嘢随便去咗间餐厅食，呢间聚烧遥系专门食串烧同烤鱼，喺深水埗港铁站一行上嚟就到。呢度地方都干净企理，抽风系统都OK，食完唔会成大阵味。今次试咗烤鱼，两个人食鲩鱼小半条，份量啱啱好，条鱼本身已经尽量去骨，所以可以放心食，啖啖肉。汤底好香浓，入面配料豊富，汤底有白萝卜、金菇、莞茜、洋葱等等。拣咗小辣风味一流，又香又辣🙂✨食完烤鱼就可以打边炉，有牛丸、墨鱼滑、金菇。非常之推介牛丸，咬落去入面超多汁，牛味香浓，唔系成粒面粉，非常推介。佢哋嘅金菇分量比普通餐厅多成一倍，几抵食。食到尾啲白萝卜已经淋晒，超入味好好食，食晒。买单先系$300左右好抵食。