河內越式料理 (西洋菜南街)

营业中

休息中

真系已经唔知几耐冇食越南野 今日咁岩同同事系旺角做完嘢，经过就决定入去食嘢我拣咗个牛三宝，一上到嚟嘅时候就闻到好香嘅越式汤河嘅味 劲正 我嘅汤河有牛丸，一堆牛肉片，同埋牛腱。牛腱算系比较贵价嘅食材，但系都有两块。河粉索晒啲汤好好味，而且个量劲多，我觉得男仔自己一个食应该都够饱。朋友叫咗个饭，有猪扒、鸡翼，同埋扎肉。我哋两个主食都可以追加小食，所以追加咗个炸虾饼同埋炸软壳蟹。虾饼超级好味，外面炸到好酥脆，但系入边系好有虾味又弹牙软壳蟹不嬲都系贵价之选，我估唔到佢可以咁小嘅价钱追加就可以有一只咁大只嘅软壳蟹，你见到佢入边都坐质饱满，唔系剩系得个壳我地仲加左个包，劲多蔬菜，好fresh!嘢饮方面我叫嘅系芒果西米露，几惊喜嘅系系间越式舖头竟然有种港式嘅甜品。西米同埋芒果嘅份量都好多，再配埋个椰汁底，我觉得佢既系饮品又系甜品，好正。朋友就叫咗个椰汁珍多冰。