Beans the Rambler

营业中

休息中

今次试左蟹肉牛油果他他、BEANS 小食拼盘、德国烧猪手、卡邦尼黑松露烟肉意大利粉、焦糖香蕉热烘窝夫全日早餐。蟹肉牛油果他他 面𠮶层全部都系蟹肉，味道鲜甜，份量足，蟹肉下面𠮶层就系牛油果🥑，味道清新，记得要mix 埋一齐食，层次感丰富。BEANS 小食拼盘（香辣鸡翼、焦糖鸡翼、啤酒洋葱圈、肉酱薯条）谂唔到食咩小食可以同朋友share，一次过可以试晒四款小食，鸡翼系先炸过然后再沾上焦糖/香辣汁，鸡翼沾左炸汁，炸得香脆，肉质嫩滑，焦糖汁甜甜地，香辣汁少辣，2种汁同鸡翼都好夹。德国烧猪手 配烟肉薯仔、酸椰菜、黑醋烧汁可以拣原只上，或者由厨房帮你切开一件件，猪手表皮烧得超级脆，肉质吾会太鞋口，黑醋烧汁少少咸，加埋黑醋嘅甜酸味，中和返烧猪手嘅油腻感，黑醋烧汁同猪手好夹。卡邦尼黑松露烟肉意大利粉 意粉汁非creamy，配料mushroom 好多，意粉软硬度刚好，汁份量好够。焦糖香蕉热烘窝夫全日早餐 焦糖香蕉有惊喜，表面好脆，仲有煎烟肉同埋炒滑蛋，炒滑蛋仍然有少许蛋浆，窝夫松软。