影片
更多
2018-01-06
115 浏览
之前都已经食过呢间妈咪鸡蛋仔，不过第一次喺元朗店食，周日下午唔算好多客人，其他分店嘅人龙夸得很。妈咪鸡蛋仔嘅分店愈黎愈多，听过唔少人话唔同分店水准有差异，咁我地唔系帮衬过好多，所以比较唔到。餐牌供应鸡蛋仔，口味选择丰富，朱古力、白芝麻、香蕉、芝士、肉松、抹茶、咖啡、紫菜、粟米、有机栗子、紫薯等，定价$16-30。格仔饼款式就少啲，都系原味、咖啡同抹茶，定价$18/22。另外有加配饮品优惠，不过我对饮品兴趣不大。抹茶朱古力鸡蛋仔 25：花多眼乱下喺香蕉同抹茶之间挣扎，交由另一半落决定。鸡蛋仔即叫即整，等左大约15分钟，呢度嘅鸡蛋仔好易认，成底摊平，一睇就知系妈咪出品。鸡蛋仔都算热辣辣，边位会比较脆口，里面软熟，可以完整剥出一粒粒。蛋浆加左一半，属于比较厚身，唔会空心，但亦都唔会似鸡蛋糕，钟唔钟意就视乎个人口味啰。有啲人钟意空心脆口，有啲人钟意实心，我个人都钟意呢种半满口感，食完会有饱腹感的。点左抹茶朱古力味，其实抹茶就唔系话好浓，单点唔知会唔会突出啲，可能添加左朱古力分薄左。但有点奇怪，我食左好几粒都有紫薯味道，唔知系咪我思觉失调。(可能上一底嘅客人点左紫薯？)鸡蛋仔比起以前贵左，胜在口
妈咪鸡蛋仔嘅分店愈黎愈多，听过唔少人话唔同分店水准有差异，咁我地唔系帮衬过好多，所以比较唔到。
餐牌供应鸡蛋仔，口味选择丰富，朱古力、白芝麻、香蕉、芝士、肉松、抹茶、咖啡、紫菜、粟米、有机栗子、紫薯等，定价$16-30。
格仔饼款式就少啲，都系原味、咖啡同抹茶，定价$18/22。另外有加配饮品优惠，不过我对饮品兴趣不大。
抹茶朱古力鸡蛋仔 25：花多眼乱下喺香蕉同抹茶之间挣扎，交由另一半落决定。鸡蛋仔即叫即整，等左大约15分钟，呢度嘅鸡蛋仔好易认，成底摊平，一睇就知系妈咪出品。鸡蛋仔都算热辣辣，边位会比较脆口，里面软熟，可以完整剥出一粒粒。
蛋浆加左一半，属于比较厚身，唔会空心，但亦都唔会似鸡蛋糕，钟唔钟意就视乎个人口味啰。有啲人钟意空心脆口，有啲人钟意实心，我个人都钟意呢种半满口感，食完会有饱腹感的。点左抹茶朱古力味，其实抹茶就唔系话好浓，单点唔知会唔会突出啲，可能添加左朱古力分薄左。但有点奇怪，我食左好几粒都有紫薯味道，唔知系咪我思觉失调。(可能上一底嘅客人点左紫薯？)
鸡蛋仔比起以前贵左，胜在口味多左，总有一款啱你挂。
张贴
