金鶴拉麵 (九龍城道) (已結業)

家姐屋企大装修，暂时未有屋企饭食，约我系佢家附近食，她住土瓜湾，咁啱见到我之前就想食嘅金鹤拉面土瓜湾有分店，就决定食呢间。内笼装修较黑， 有高档日本餐厅feel， 好在打开menu，最贵𠮶个都系鳗鱼饭，而且个馒鱼饭睇个board话有3cm厚，好正咁。 我地两order 了鳗鱼饭， 激辛拉面， 再加多个炸鸡。鳗鱼饭有连埋鳗际肝汤 ，珍珠米粒粒分明，唔会太多汁浸过饭粒， 鳗鱼好厚肉都有3cm厚， 有弹性嘅焦香味，鳗鱼肉软腍带胶质，没有碎骨，美味。激辛拉面最出色的唔系𠮶个叉烧而系入面嘅白鸡肉, 慢煮鸡胸肉肉质细致，入口一点都不鞋口， 面质弹牙。炸鸡性价比高，38蚊有三大旧，伴有椒盐, 又唔会炸过头，保留了水份。download佢app即时有100分送，可换饮品。