大丸ラーメン

营业中

休息中

自从media介绍过依间铺之外基本上每次经过都见到大排长龙，而且铺里面细，位置比较少，要有足够耐心排队先食到。我好耐以前曾经买过一次外卖，但始终都系想堂食一次，试真啲佢啲味道。临近复活节前可能比较少人返工，中午经过见到前面得3-4个人排队，机会难得就即刻谂住排。好彩嘅系咁啱有客走，所以都入得好快，等左5分钟已经可以入。里面座位设计都好日本style，坐bar台对住开放式厨房可以望到厨师煮食。拉面间唔中有期间限定款式，不过我今次都系衷于初心拣左虾丸(虾豚骨拉面)。拉面有两款可以拣，我今次拣左幼面，另外油量都可以拣，如果想食清少少可以拣少油。基本上野食都嚟得好快，睇个卖相唔错，布满樱花虾，里面内附3块叉烧肉、半只糖心蛋、紫菜。佢叉烧嘅色泽吸引，呈现嫩粉红色，食落非常软熟。觉得佢嘅汤底非常浓郁但又唔会过于油腻，虾味非常突出，每一啖都食到虾嘅鲜味，不知不觉都饮左好多啖汤。幼面嘅软硬度煮得啱啱好，不过见身边好多人都系叫粗面，我谂粗面应该会相对比较挂汤。整体嚟讲觉得碗拉面系几好食，但坦白讲我又觉得未至于要大排长龙等成粒钟入嚟食，如果少人排队嘅话觉得可以一战。