影片
更多
2023-06-20
383 浏览
应该都有一段时间冇嚟过呢间立体派，而家喺中环返工，好自然就谂起呢间嘢。今日一班人过嚟食拉面，最好就系可以叫几个唔同款式嘅面一齐食，咁样先至最尽兴，特别系立体派嘅面款都几多，你得一两个人，总会带着其他想食嘅野遗憾地离去。当日食咗劲打卡嘅凉风红藏蟹高汤盐拉面，配上特制酱油腌制3cm 厚切慢煮叉烧嘅九味酱油汤拉面，立体派最出名嘅特级鸡白汤拉面，仲有大阪芫荽和风蕃茄汤拉面配低温慢煮叉烧，全部都系有特色，同埋好啱影影影嘅选择。咁热嘅天气就先讲凉风红藏蟹高汤盐拉面，相信睇个名你都唔系好知系乜嘢，但如果我话你佢来自鸟取县，你应该会有印象，加上濑户内粗盐配成精华花蛤盐酱汁，个汤直头系好似蟹汤咁。配上沾面，新清的香气好适合夏日，而最重要系佢嘅泡泡造型，仲有一碟好靓嘅配菜如带子同腩肉，都几好。大阪芫荽和风蕃茄汤拉面就啱晒我呢啲芫荽控，首先佢唔系汤面，我佢嘅蕃茄汁劲浓，食落口就好似沾面一样，个人觉得个蕃茄汤真系好特别，爱好番茄嘅人一定要试。九味酱油汤拉面同特级鸡白汤拉面就较传统，前者你听个名以为冇特别，但每碗拉面包左呢个特制酱油腌制的 3cm 厚切慢煮叉烧，肉质好软腍，入口即溶，好邪恶，但你都一定忍唔住会食
应该都有一段时间冇嚟过呢间立体派，而家喺中环返工，好自然就谂起呢间嘢。
今日一班人过嚟食拉面，最好就系可以叫几个唔同款式嘅面一齐食，咁样先至最尽兴，特别系立体派嘅面款都几多，你得一两个人，总会带着其他想食嘅野遗憾地离去。
当日食咗劲打卡嘅凉风红藏蟹高汤盐拉面，配上特制酱油腌制3cm 厚切慢煮叉烧嘅九味酱油汤拉面，立体派最出名嘅特级鸡白汤拉面，仲有大阪芫荽和风蕃茄汤拉面配低温慢煮叉烧，全部都系有特色，同埋好啱影影影嘅选择。
咁热嘅天气就先讲凉风红藏蟹高汤盐拉面，相信睇个名你都唔系好知系乜嘢，但如果我话你佢来自鸟取县，你应该会有印象，加上濑户内粗盐配成精华花蛤盐酱汁，个汤直头系好似蟹汤咁。配上沾面，新清的香气好适合夏日，而最重要系佢嘅泡泡造型，仲有一碟好靓嘅配菜如带子同腩肉，都几好。
大阪芫荽和风蕃茄汤拉面就啱晒我呢啲芫荽控，首先佢唔系汤面，我佢嘅蕃茄汁劲浓，食落口就好似沾面一样，个人觉得个蕃茄汤真系好特别，爱好番茄嘅人一定要试。
九味酱油汤拉面同特级鸡白汤拉面就较传统，前者你听个名以为冇特别，但每碗拉面包左呢个特制酱油腌制的 3cm 厚切慢煮叉烧，肉质好软腍，入口即溶，好邪恶，但你都一定忍唔住会食，再配多一啖传统嘅酱油拉面，真系好暴力。净系用九种酱油，你都知道佢唔系一般酱油拉面咁简单，但最正都系𠮶条粗不得了嘅叉烧。
后者就劲大碗，好多块令人垂涎欲滴嘅叉烧，仲有劲浓嘅特级鸡白汤，当然好多鸡白汤嘅信徒话呢度嘅鸡白汤相对单调平稳，但系我觉得以价钱佢嘅质素真系算系不错。
仲有好多特色小食，饺子就当然唔少得，最正仲有章鱼小丸子，咁多小食同面嘅选择真系好啱三心两意嘅人，或者呢期冇乜人讲，但系讲番起佢你会唔会又想去下呢？
张贴
