影片
更多
2012-07-29
51 浏览
西宫系元朗一间西餐厅，每日午市时段供应一般西餐，到左夜晚就会专门供应中,西,日式自助餐呢间餐厅晚市自助餐o系星期六,星期日及公众假期分两场进行，中场时段需要清场，至于平日只系做一场，若果客人黄昏六点几到达，真系慢慢食，呢o的不限时自助餐可以坐四个钟都唔会被侍应催埋单早前参加一个网站活动，有机会被选去试食呢间餐厅o既自助餐，好多人都问本人点解住港岛南区要专登入去元朗食自助餐，又唔系有钱收，就算系免费试食，都要花好多时间及车钱由市区搭车入元朗，可能就系一份诚意，再加上有位住o系天水围o既朋友肯陪我去，令我有机会出席呢个试食分享本人获得o既试食券可以一个人免费试食，至于用餐时间同一般客人冇分别，若果选择星期六日黎就要夜晚八点前离座又或者八点几后先可以入座，既然系专程入元朗，就不如同朋友坐耐o的倾下计慢慢食仲好，于是选左公众假期之后一日去西宫食自助餐 当日黄昏放工后，由葵芳搭巴士到元朗大约45分钟，开心广场位于大马路，唔难揾呢个商场，我地7pm 前去到餐厅，已经坐满八成坐位，虽然知道之前有成三千人要o系三个月内用团购 coupon，不过冇谂到平日黄昏都有咁多人咁早放工黎食自助餐餐厅以深色原木色
呢间餐厅晚市自助餐o系星期六,星期日及公众假期分两场进行，中场时段需要清场，至于平日只系做一场，若果客人黄昏六点几到达，真系慢慢食，呢o的不限时自助餐可以坐四个钟都唔会被侍应催埋单
早前参加一个网站活动，有机会被选去试食呢间餐厅o既自助餐，好多人都问本人点解住港岛南区要专登入去元朗食自助餐，又唔系有钱收，就算系免费试食，都要花好多时间及车钱由市区搭车入元朗，可能就系一份诚意，再加上有位住o系天水围o既朋友肯陪我去，令我有机会出席呢个试食分享
本人获得o既试食券可以一个人免费试食，至于用餐时间同一般客人冇分别，若果选择星期六日黎就要夜晚八点前离座又或者八点几后先可以入座，既然系专程入元朗，就不如同朋友坐耐o的倾下计慢慢食仲好，于是选左公众假期之后一日去西宫食自助餐
当日黄昏放工后，由葵芳搭巴士到元朗大约45分钟，开心广场位于大马路，唔难揾呢个商场，我地7pm 前去到餐厅，已经坐满八成坐位，虽然知道之前有成三千人要o系三个月内用团购 coupon，不过冇谂到平日黄昏都有咁多人咁早放工黎食自助餐
餐厅以深色原木色调同埋巨大落地玻璃窗为主，装左巨大o既水晶灯，舒适写意，不过我地觉得餐厅呢o的装修仲未能够营造酒店气氛我地可能人数较少，两个人被安排坐o系一张大长枱较侧边位置，原来餐厅o系中间用左一块屏风隔开我地同另一班客人，之后侍应话我地可以出去拎野食
食物种类一般，中,西,日式每类都有兼顾，当中热盘款式比较少，唔太多野拣
对于一般自助餐黎讲，寿司吧o既款式算系不过不失，刺身由一位师傅负责切，即叫即切，当晚供应三文鱼，吞拿鱼及甜虾三款，至于寿司有甜虾,三文鱼,熟虾,炸虾卷,蟹籽等九款，呢度唔系做日式放题，所以冇得供应北寄贝,鳗鱼,希灵鱼,花之恋及手卷等款式
除左刺身及寿司，呢度放左多款日式食品，好似冷面,八爪鱼,螺肉,中华沙津,枝豆，比较惊喜有温泉蛋同埋日式蒸蛋
三文鱼刺身都算大块，吞拿鱼刺身一般水准，三文鱼寿司有o的系腩，甜虾寿司都唔错，唔会干晒水，有款寿司外层o的饭系粉红色，比较特别
至于头盘有多款海鲜，好似青口, 濑尿虾,翡翠螺,白灼虾同埋蚬，有几款酱汁俾大家点呢度o的面包唔系自助形式，侍应无端端送一客蒜蓉包俾每台客人，其实系有o的奇怪，佢话餐厅送每位客人一块蒜蓉包，我地觉得味道一般
餐汤有忌廉汤同埋面豉汤两款，忌廉汤印象中有粟米及其他配料，几好饮，值得推介
面豉汤相信o系自助餐比较少见，不过味道太淡，真系o系街饮咁多次面豉汤最淡系今次，唔掂喔！
主菜方面有小丸子,炸虾天妇罗,面包糠虾球,咖哩鸡,海鲜焗饭,薯饼,狮子狗芝士鱼蛋煮娃娃菜,粉丝扇贝,骨肉相连,印度薄饼睇返之前其他人o既食评，当晚印象中唔见韮菜春卷,咖喱牛腩,烧鸡翼,芝士鱼蛋,炸面包糠虾球,芝士焗生蚝，如果唔系我实会试食，另外当晚o的青口系冻食，所以冇芝士青口呢款菜式
炸虾够热够脆几好食，小丸子都好，薯饼亦好食
凯撒沙律个汁唔差，不过o的烟肉有o的硬另外，餐厅安排左两位员工负责西冷牛扒及乌冬拉面档口，客人想食牛肉或拉面可以即时落order
朋友拎左件西冷牛扒俾我，o的牛肉真系几生，比较难切，如果唔系o的黑椒汁捞埋o的牛肉，相信比较难食落口，不过若果阁下欢喜食呢o的好生o既顶级西冷牛扒就万勿错过，因为呢度有大量供应，唔似得寿司刺身，呢o的牛扒冇乜人同你争黎食，据闻顶级西冷牛扒系普通餐厅真系价钱唔平，若果钟意食真系觉得呢餐值回票价
至于拉面唔似得好多自助餐或者日式放题店俾成大碗客人，佢地每次俾细o的份量客人，若果唔够可以再叫一碗，呢个安排实在值得一赞，若果大家食完咁大碗面，好多人个肚都装唔到其他野食听朋友话o的拉面水准好普通，做唔到日式拉面店味道
最后我地食水果及甜品，当晚o既水果有西瓜及哈蜜瓜，至于甜品有芝士蛋糕,Brownie, Tiramisu,芭芙,焦糖布甸,日式草饼,阿波罗雪糕雪条
每份 Brownies 系一匙大细，细细件唔错，不过唔够松软，同埋唔够朱古力味，至于芭芙或者放得耐左淋淋地，日式草饼o系其他餐厅或酒店自助餐比较少见，其他蛋糕都算精致华美餐厅选用阿波罗雪糕雪条可能会令好多人失望，不过本人觉得呢个安排都唔差，因为雪糕雪条都有差不多八款选择，全部独立包装，干净卫生，唔驶见到成班人排长龙同埋小朋友争住拔雪糕但系唔够高又唔够力去拔呢o的场面，大家欢喜食几多就几多，冇人同你争食
呢度自助餐系包每人一杯无酒精饮品，若果加$8 可以无限任饮无酒精饮品，不过餐厅本身都供应冻水，所以我地当晚冇加钱任饮由于呢餐本人系免费试食形式，所以想试多o的唔同款式，冇打算食咁多，唔似得若果要俾钱要食多o的刺身及海鲜，要食返够本o既心态
侍应服务质素都算好，佢地好快安排我地坐位，我地食完o的野都算快黎收碟，唔会阻住张枱，又成日帮我地加水
呢间餐厅卫生整洁，食客亦都较有质素，唔会将o的食物钳乱放，本人最怕o的人拎住同一个食物钳夹唔同o既野食，夹完炸虾又去夹菜，搅到o的手柄好油
见到之前食评有人话呢个价钱点解唔去食放题，其实呢类自助餐与日式放题系冇得直接比较，大家唔好忘记好多时食日式放题都系食到赶头赶命，餐厅为左做多o的生意要大家坐得较迫，侍应好快会叫大家 last order 同埋埋单，客人若果一够时间仲唔离开就要睇侍应黑面，不过大家欢喜食希灵鱼或者花之恋，日式放题系唯一选择呢间餐厅食物味道同埋卖相都唔差，供应亦算充足，款式虽然唔算多选择，不过以平价中、西及日式自助餐同埋o系元朗其实可以接受，当然野食种类唔可以同几百蚊位o既酒店自助餐相比，本人最钟意佢地自助餐平日只设一场不限时，唔会成班人赶头赶命排长龙拎野食，呢度任坐几个钟都唔会俾人催埋单，大家食得悠闲，好适合成班人一齐聚会
不过本人今次真系好有诚意花时间及车钱专程黎试食，由于本人住o系港岛南区，甚少到元朗，可见将来应该都唔会再黎
今次自助餐本人免费，至于朋友要俾$188再加一服务费，即系$207
西宫o既自助餐平日成人$160，小童$75，星期六及星期日需另加$10，若果早一日预订会有八五折优惠
记得以前黄毅力开o既香港茶餐厅o系非繁忙时间推出$1 杯金牌奶茶优惠，可无限添饮同埋冇要求客人叫其他野食，不过餐厅老板认为呢o的宣传方式系抛砖引玉，有几多人真系会斋饮杯奶茶唔叫其他野食?! 其实西宫o既免费试食都可算系抛砖引玉，因为有几多人真系会一个人食自助餐呢？通常都至少两个人黎食，有o的可能会成家人黎食添！今次试食我地虽然预早订位，不过餐厅话试食o既同行者(即系我朋友)要俾正价，就算提早订位都唔会有八五折优惠，所以免费试食o既人带多o的人一齐食自助餐，餐厅邀请人黎试食就变得更化算
题外话/补充资料：
其实我地黎食自助餐之前都有留意呢间餐厅o既食评，部份人讲得好差，但系又冇任何相片提供，讲完呢间餐厅后隔左好耐都唔写其他餐厅饮食体验，令人有种刻意开个户口唱衰餐厅o既感觉，大家要留意 OpenRice 唔系一个专门投诉餐厅o既平台，写食评应该系一种习惯喔！
(以上食记乃用户个人意见 , 并不代表OpenRice之观点。)
张贴
